19 окт 20:43
Янгиликлар
Бокс/ММА
Ҳусанхон Баратов профессионал боксдаги дебют жангини ўтказди
Россиянинг Пермь шаҳрида Ural FC лигаси ўзининг навбатдаги профессионал бокс оқшомини ўтказмоқда.
Хабар берганимиздек, мусобақа доирасида оғир вазн тоифасида ўзбекистонлик Ҳусанхон Баратов профессионал боксдаги дебют жангини ўтказди. Россиялик Алексей Голубга қарши кечган баҳс тўлиқ 4 раунд давом этди. Жангда, афсуски, россиялик боксчи ҳакамларнинг якдил қарори билан ғалаба қозонди.
Маълумот учун, Ҳусанхон Баратов бунгача ММАда 6 та жанг ўтказиб, уларнинг 3 тасида ғалаба қозонган ва 3 та жангда мағлуб бўлган. Шунингдек, Ҳусанхон ҳаваскор боксда Ўзбекистон чемпионати иштирокчиси, пенчак-силат бўйича Жакарта-2018 Осиё ўйинлари ва Конья 2021 Ислом бирдамлиги ўйинлари иштирокчиси ҳисобланади. Унинг асосий базаси эса кикбоксдан иборат.
Ҳавола :
Манба : olamsport.com
Фикрлар