Ҳусниддин Нишонов: "Коста-Рикани нима қилиб бўлса ҳам ютишимиз лозим"

- Ўйин ҳақида

- Ўйин ҳақида нима ҳам дейишим мумкин? Биз ҳозир жуда ҳам оғир аҳволдамиз. Ҳар доимгидек, қўрқиб ўйнаяпмиз. 2 та стантдарт орқали дарвозамиздан 2 та тўп олиб чиқдик. Шу билан ўйин изидан чиқиб кетди. Тушунарсиз ҳолатдамиз. Мухлислардан, халқимиздан узр сўраймиз. 

- Сиз ва бошқа футзалчилар томонидан Элбек Тўлқиновга кўплаб эътирозлар билдирилди...

- Фақат Элбек Тўлқинов хато қилмади. Ҳаммамиз кўплаб хатоларга йўл қўйдик. Биргина Элбек ютқазмайди, бутун жамоа ютқазади. Бизда ҳали ҳам имконият бор. Коста-Рикани қанақа қилиб бўлса ҳам мағлуб этишимиз керак. Ҳаммаси ўз қўлимизда, бу имконни ой бермаслигимиз керак.

- Мана 2 та ўйин ортда қолди. Бироқ терма жамоа стандарт вазиятлар орқали айтарли вазият яратмади. Бу борада нима дея оласиз?

- Буни кўриб чиқамиз. Коста-Рикани нима қилиб бўлса ҳам ютишимиз лозим. Мусобақа уйимизда ўтяпти, салбий натижа бўлмаслиги керак деб ўйлайман.

- Жароҳатингиз қай даражада?

- Алҳамдулиллоҳ, ҳозир барчаси жойида. 

- Бугун мухлислар тиним билишмади...

- Мухлислар бизни қўллаб-қувватлашда давом этишсин, кейинги баҳсда албатта ўзимизни кўрсатамиз.