Ига Свёнтек Дубайда муваффақиятли старт олди

Сайёрамизнинг биринчи рақамли теннис маликаси Ига Свёнтек мусобақадаги иштирокини ғалаба билан бошлаб олди. Польшалик теннисчи иккинчи давра баҳсида WTA рейтингида 41-ўринни эгаллаб турган америкалик Слоан Стивенсни икки сетда ҳам бир хил ҳисобда таслим этди - 6/4, 6/4.

Теннисчиларнинг ўзаро учрашувларидаги ҳисоб 3:0 кўринишига келди. Бир дақиқаси ками 2 соатлик баҳсда Свёнтек 1 та эйс, 3 та қўшхато, 5 та брейк қайд этди.