20 мар 15:57
Янгиликлар

Теннис

Свёнтек Miami Open илк учрашувидаёқ ватандошига ютқазиб қўйди

Дунёнинг учинчи ракеткаси Ига Свёнтек АҚШнинг Майами шаҳрида ўтказилаётган WTA 1000 тоифасига кирувчи турнирда кутилмаган мағлубиятни қабул қилиб олди.

Польшалик теннис маликаси ўз иштирокини тўғридан-тўғри иккинчи даврадан бошлади ва WTA рейтингида роппа-роса 50-ўриндан жой олган ҳамюрти Магда Линеттга уч сет натижасига кўра имкониятни бой бериб қўйди — 1:6, 7:5, 6:3.

Икки соату 12 дақиқа давом этган ватандошлар баҳсида турнирда иккинчи рақам остида сараланган Свёнтек 4, Линетт эса 5 та эйс зарбасини амалга оширди. Энди Магда учинчи босқичда дунёнинг 29-ракеткаси, филиппинлик Александра Эалага қарши кортга чиқади.