02 сен 17:39
Янгиликлар

Теннис

Ига Свёнтек: "Теннис томоша қилмайман, бироқ уларнинг ўйинини бошидан охиригача кўраман"

Теннисчи Ига Свёнтек айни дамда дунё теннис тожи учун кураш олиб бораётган Карлос Алькарас ҳамда Новак Жокович ўртасидаги рақобат ҳақида гапирди.

"Уларнинг ўйинларини томоша қилдим. Одатда жуда кам ҳолатда теннис кўраман, бироқ уларнинг ўзаро ўйинларини бошидан охиригача томоша қиламан. Икки авлод ўртасидаги ўйин барчага қизиқ.

Улар ҳали ҳам анчагина умидли, рақибига очколарни осонликча беришни исташмайди. Шунингдек, улар бир-бирини охиригача қўллаб-қувватлаб туришади. Бу ажойиб ҳолат.

Мухлиса сифатида ўйинни томоша қилдим. Албатта, улардан нималарнидир ўрганса бўлади, масалан, таслим бўлмасликни. Цинцинаттида кўплаб ҳолатлар кузатилди. Карлос матчболларни бартараф қилди. Демак, ҳамма қатори мен ҳам уларнинг мухлисасига айландим", - деди WTA рейтинги пешқадами.