UZ

Сўнгги янгиликлар

22:45Шавкат Мирзиёев Туркиядаги Ислом бирдамлиги ўйинларида муваффақиятли иштирок этган Ўзбекистон делегациясига табрик йўллади 0 21:55Диққат-марказимизда Конья-2021 совриндорлари (ФОТОГАЛЕРЕЯ 2-қисм) 0 21:22Конья-2021 қаҳрамонлари Ўзбекистонда қандай кутиб олинди? (ФОТОГАЛЕРЕЯ 1-қисм) 0 20:03Бетербиев — Яр ўртасидаги жанги бошқа муддатга кўчирилди 0 19:41Вейли Чжан ва Карла Эспаза ўртасидаги чемпионлик жанги қачон бўлиши маълум 0 19:20Хорхе Масвидалнинг навбатдаги рақиби маълум 0 18:56Карло Анчелотти: "Нега Каземиро ЕЧЛ ғолиби сафидан АПЛ 20-ўринидаги клубга ўтганини билмайман — бу унинг қарори" 0 18:24Жон Жонс навбатдаги жанги қачон бўлишини маълум қилди 0 18:13Диёра Келдиёрова келинлик либосида + ФОТО 1 17:52Усик — Жошуа жанг оқшомининг тўлиқ карди маълум 0 17:33Усик ва Жошуа вазн ўлчаш маросимида иштирок этди +ФОТО 0 17:31Манба: Роналду тен Хагнинг ишидан норози, аммо "Манчестер Юнайтед"да қолишга тайёр 0 17:10Алькараз рекордларни янгилашда давом этади 0 16:49Чимаев: "Усман мендан шунчаки қўрқади" 0 16:28Рублёв 2020 йилнинг октябридан бери биринчи марта Топ-10'ни тарк этади 0

30 июл 10:16
Янгиликлар

Кураш

IKA президенти Ҳайдар Фармон иштирокида матбуот анжумани ўтказилди + ФОТО

Теглар :  IKAҲайдар Фармон
Ўзбекистон Миллий олимпия қўмитасида Халқаро кураш ассоциациясининг матбуот анжумани бўлиб ўтди.

Ўзбекистон Республикаси Спортни ривожлантириш вазири Адхам Икрамов шу кунларда амалий ташриф билан мамлакатимизда бўлиб турган Халқаро Кураш ассоциацияси (IKA) президенти, Осиё Олимпия Кенгашининг Осиё ўйинлари бош директори Ҳайдар Фармонни қабул қилди. Шунингдек, мазкур учрашувда Миллий Олимпия қўмитаси раисининг ўринбосари Шерзод Ташматов ва бошқа масъул ходимлар иштирок этишди.

Учрашувда Спортни ривожлантириш вазирлиги ва Халқаро Кураш ассоциатсияси ўртасида ҳамкорлик алоқаларини янада ривожлантириш, турли мамлакатларда фаолият кўрсатаётган мураббийлар ва ҳакамлар, қолаверса спортчилар ўртасида тажриба алмашиш имкониятини яратиш, халқаро нуфузли мусобақаларни ташкил этишда ўзаро ҳамкорликни йўлга қўйиш масалалари муҳокама қилинди.

Дарҳақиқат, кураш асрлар давомида ўзбек халқининг энг оммавий ва севимли миллий ўйинлари қаторида эъзозлаб келинган. Кураш – якка курашнинг қадимий тури бўлиб, тарихий манбаларнинг гувоҳлик беришича, унинг ёши уч ярим минг йилга бориб тақалади.

IKA президенти томонидан кураш спорт турининг халқаро майдондаги ривожи, ўтказилаётган нуфузли мусобақалар, қитъавий ўйинларда иштироки ва жорий йилда бўлиб ўтиши режалаштирилган қитъа ва Жаҳон чемпионатлари ҳақида батафсил маълумот берилди.

Таъкидлаш лозим, жорий йилнинг ўтган олти ойи мобайнида курашнинг халқаро ривожи борасида бир қатор муҳим тадбирлар амалга оширилди. Жумладан, 17-21-март кунлари Тожикистоннинг Душанбе шаҳрида кураш бўйича катталар ўртасида Осиё чемпионати ва Осиё-Океания Кураш конфедерациясининг навбатдаги Конгресси бўлиб ўтди. Мазкур нуфузли чемпионатда қитъамизнинг 24 та давлатидан 200 нафардан зиёд сара полвонлар ғолиблик учун гиламга тушди.

24-27-март кунлари Халқаро Кураш институти билан ҳамкорликда Италиянинг Рим шаҳрида Европа Кураш конфедерациясига аъзо мамлакатларнинг кураш мураббийлари учун халқаро семинар ташкил этилди. Семинарда 10 га яқин мамлакатдан 90 нафар мураббийлар иштирок этишди.

28-30-март кунлари Ҳиндистоннинг Мумбай шаҳрида IKAнинг навбатдаги ижроия қўмитаси йиғилиши бўлиб ўтди. Йиғилиш давомида курашнинг олдида турган кўплаб масалалар бўйича тегишли қарорлар қабул қилинди.

Ўзбекистон ҳукуматининг қўллаб-қувватлаши ҳамда ассоциация раҳбариятининг саъй-ҳаракатлари билан кураш спорти Осиё ўйинларининг барча дастурларидан расман ўрин эгаллади.

Шу билан бирга Спортни ривожлантириш вазири ҳам ватани Ўзбекистон бўлган курашнинг айни кунларда дунё миқёсида обрўси ортиб бораётгани қувонарли ҳол эканлигини таъкидлаб, бугунги кунда Халқаро Кураш ассоциацияси таркибига 130 дан зиёд давлатлар миллий федерациялари аъзо бўлиб кирганлиги ва фаолият юритаётганлиги курашнинг нуфузи қай даражада ортиб бораётганининг яққол ифодаси эканлигини маълум қилди.

Қайд этиш лозим, 2020-йил 4-ноябрда Ўзбекистон Республикаси Президентининг “Кураш миллий спорт турини ривожлантириш ва унинг халқаро нуфузини ошириш чора-тадбирлари тўғрисида”ги қарори имзоланди.

Мазкур ҳужжат кураш спортининг ривожи йўлида янги даврни бошлаб берди. Қарор асосида Ассоциация ва унинг таркибидаги миллий федерацияларни қўллаб-қувватлаш, профессионал курашчи ва мутахассисларни тайёрлаш, кураш спортини янада оммалаштириш, Республика ва халқаро медиа майдонда кенг тарғиб қилиш, келажакда курашни Олимпия ўйинлари дастурига киритиш борасида манзилли чора-тадбирлар белгилаб берилган.

Учрашувдан сўнг Ўзбекистон Миллий олимпия қўмитасида Спортни ривожлантириш вазири ва Халқаро Кураш ассоциацияси президенти иштирокида матбуот анжумани ҳам ташкил этилди. 20дан ортиқ оммавий ахборот воситалари вакиллари иштирок этган анжуманда келгусида Халқаро Кураш ассоциацияси томонидан ташкил этиладиган нуфузли мусобақалар ва бу борада Спортни ривожлантириш вазирлиги ҳамда Ўзбекистон кураш федерацияси томонидан йўлга қўйиладиган ҳамкорлик алоқалари ҳақида маълумотлар берилди.

Шунингдек, анжуманда ўзаро ҳамкорликда кураш спортини дунёда янада оммалаштириш, гендер тенглиги асосида гуманизм ғоялари сингдирилган миллий спортимизни хотин-қизлар ўртасида ҳам ривожлантириш, халқаро спорт ташкилотлари билан ўзаро дўстона алоқаларни кучайтириш ва энг олий мақсад, курашни Олимпия ўйинлари дастурига киритиш эканлиги алоҳида таъкидлаб ўтилди.

Матбуот анжуманида яна бир муҳим воқелик – Халқаро Кураш ассоциацияси томонидан ҳар ойда инглиз тилида чоп этиладиган “Кураш” журнали ҳамда кураш спорт турининг ягона тартиб қоидаларига бағишланган китоб тақдимоти ҳам ўтказилди.

Қайд этиб ўтамиз, Халқаро Кураш ассоциацияси президенти Ҳайдар Фармон яна бир неча кун давомида мамлакатимизда бўлади ва ташриф доирасида бир қатор муҳим учрашувлар ташкил этилиши режалаштирилган.

Cуратлар муаллифи - Алимурод МАМАДАМИНОВ, ўз мухбиримиз

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг