Икки эркин курашчимиз Жаҳон чемпионатининг ярим финалида!

Қувонарлиси, бугун баҳсларга киришган уч нафар эркин курашчимиздан иккиси жаҳон чемпионатининг ярим финалига йўл олди. 

-48 кг вазн тоифасида юртимиз шарафини ҳимоя қилаётган Камронбек Қадамов мўғулистонлик Отгонбаатар Болдбаатарни 11:0, озарбайжонлик Жавид Жавадовни 8:4 ҳисобида мағлуб этиб, ярим финалга йўл олди. Энди у финал чиптаси учун ҳиндистонлик Удит Удитга қарши гиламга чиқади. 

-55 кг вазнда гиламга чиқаётган ўсмирлар Олимпиадаси ғолиби Умиджон Жалолов ҳам ярим финал иштирокчисига айланди. Истеъдодли курашчимиз канадалик Фотис Дэвид Пападопоулосни 10:0, қирғизистонлик Мирбек Сарабековни 10:0, ҳиндистонлик Аман Аманни 3:0 ҳисобида енгди. Жалоловнинг ярим финалдаги рақиби туркиялик Муҳаммад Каравус бўлади.

-65 кг вазнда ўз маҳоратини намойиш этаётган Қудратбек Нуруллаев 1/8 финалда қирғизистонлик Ислам Бакитбековдан 14:8 ҳисобида таслим этди. Аммо, чорак финал беллашувида россиялик Батирбек Цховребовга 2:4 ҳисобида имкониятни бой бериб қўйди. Агар Цховребов финалга йўл олса, у ҳолда Нуруллаевда бронза медали учун имконият сақланиб қолади.