Икки ҳафта давомида спорт ва футзал билан яшаймиз!

250 нафардан ортиқ делегация билан қўшни юртга етиб борган спортчиларимиз эртадан мусобақадаги иштирокларини бошлайдилар. 17 сентябрь куни очилиш маросими бўлиб ўтадиган ёпиқ иншоотлар ўртасидаги Осиё ўйинлари бу сафар алоҳида қизиқишларга сабаб бўлаяпти. 

Мусобака ташкилотчиларини, тўрт йилликнинг муҳим ўйинларини савиясини ошириш мақсадида, бу сафар Океаниядан ҳам бир нечта давлатларни ўзига қўшиб олди. Жами 62та давлатдан келган спортчилар ғолиблик учун кураш олиб борадилар. Баҳодир Аҳмедов бошчилигидаги Ўзбекистон футзал терма жамоаси медаллар учун курашиши кутилмоқда. Рақиблар ўша-ўша, Япония, Эрон ва Таиланд. 

Аксар спорт турлари бўйича иккинчи таркиби билан кетган делегациямиздан максимал натижа кутиб қоламиз. Ҳисоб бўйича 5-мусобақада 21та спорт тури бўйича ғолиблар аникланади. Аввалги мусобақада Ўзбекистон терма жамоаси якуний ҳисобда 10-ўринни олган эди. Ўшанда 3та олтин, 4та кумуш 3та бронза медалларига эга чиққанмиз. Туркманистонда Инчеондаги натижамизни яхшилашни кутиб коламиз. 

Худди Бокуда бўлиб ўтган Ислом бирдамлиги ўйинларида бўлгани каби, championat.asia ва olamsport.com сайтларида мусобақа профессионал тарзда ёритиб борилади. Бу борада Ўзбекистон жисмоний тарбия ва спорт давлат қўмитаси ҳамда Ўзбекистон миллий олимпия қўмиталарига ўз миннатдорчилигимизни билдирамиз. 

Демак, сайтимизда сиз-у, бизни қайноққина икки ҳафта кутаяпти. 

Нодирхўжа Юлдашев
Туркманистон, Ашхобод.