13 окт 10:15
Янгиликлар
Теннис
Икки жуфтлигимиз “Тошкент Челленжери”да ярим финалга чиқди
Пойтахтимиздаги Республика олимпия захиралари теннис мактаби кортларида давом этаётган анъанавий “Тошкент Челленжер” мусобақаси ўзининг ҳал қилувчи палласига кирди.
Соврин жамғармаси 125 минг АҚШ долларини ташкил қилувчи ушбу турнирнинг жуфтликлар мусобақасида чорак финал учрашувлари ўтказилди. Ярим финалга эса ўзбекистонлик теннисчилар ҳаракат қилаётган иккита жуфтлик йўл олди.
Россиялик Михаил Елгин билан жуфтлик хосил қилган Денис Истомин чорак финал баҳсида Илья Ивашка ҳамда Егор Герасимов тандемига ҳеч қандай имконият қолдиришмади - 6:1, 6:1.
Истеъдодли теннисчиларимиз Жўрабек Каримов ва Санжар Файзиевдан иборат жуфтлик эса курашсиз кейинги босқичга чиқди. Уларнинг рақиблари Мирза Басич ва Блаж Кавчич кортга чиқишдан бош тортишди.
Ҳавола :
Манба : olamsport.com
Фикрлар