Икки нафар таэквондочимиз Олимпиада лицензиясини қўлга киритишга яқин

Мусобақада уч нафар ўзбекистонлик таэквондочи лицензия учун кураш олиб бормоқда. 

Бугунги баҳсларда икки ҳамюртимиз баҳсларда қатнашмоқда. 

Эркаклар ўртасида -68 кг вазнли Улуғбек Рашитов биринчи даврада мўғулистонлик рақибни 28:11, иккинчи босқичда эса филиппинлик спортчини 23:9 ҳисобида мағлуб этди. Бироздан сўнг у ярим финалда қозоғистонлик Қайрат Саримсаковга қарши жанг қилади. Ушбу жанг ғолиби финал билан биргаликда, Токио Олимпиадаси лицензиясини ҳам қўлга киритади. 

Аёллар ўртасидаги беллашувларда эса Нигора Турсунқулова -67 кг вазн тоифасидаги баҳсларда қатнашади. Эътиборлиси, ушбу вазнда фақатгина уч нафар таэквондочи қатнашади. Лицензия эса иккита. Мезбон спортчи Юляна Ал Содиқ рейтинги юқорироқ бўлгани сабаб тўғридан-тўғри финалга чиққан. Аниқроғи, у лицензияни нақд қилиб қўйган. Ярим финалда эса Нигора Турсунқулова қатарлик Марам Фатнассига қарши жанг қилади. Агар таэквондочимиз ушбу жангда ғалаба қозонса, Токио Олимпиадасига йўлланма олади. 

Жанглар бироздан сўнг бошланади. 

+67 кг вазнли Светлана Осипова эса эртага баҳсларда қатнашади.

www.olamsport.com сайти ушбу мусобақада қатнашаётган ҳар уччала таэквондочимизга омад тилайди.