Икки шахматчи қизимиз FIDE Топ-30 рейтингида!

Жумладан, 20 ёшгача бўлган шахматчи қизлар рейтинги ҳам янгиланди. Декабрь ойи учун мўлжалланган Топ-30 рейтингидан 2 нафар ўзбекистонлик шахматчи қизлар жой олишди. Афруза Ҳамдамова (2327) 15-ўринга кўтарилиб олишга муваффақ бўлди. 

Куни кеча 14 ёшли шахматчи қизимиз Италияда бўлиб ўтган ёшлар ўртасидаги жаҳон биринчилигида мамлакатимиз тарихида илк бор жаҳон чемпиони деган унвонга сазовор бўлганди. Яна бир истеъдодли шахматчимиз, парид йўналишида ёшлар (U 18) ўртасида жаҳон чемпиони Умида Омонова (2257) эса янги рейтингда 28-поғонадан жой олди. 

Йигирма ёшгача бўлган шахматчи қизлар рейтингида катталар ўртасида блиц йўналишида амалдаги жаҳон чемпиони Бибисара Асаубаева (Қозоғистон, 2472) пешқадамлик қилмоқда. Ҳиндистонлик Сараю Велпула (2444) иккинчи ўринни эгаллаган бўлса, болгариялик Нургюл Салимова (2426) кучли учликка якун ясаган.   

FIDE 20 ёшгача шахматчи қизлар рейтинги (Топ-10):

1. Бибисара Ассаубаева (Қозоғистон, 2472)

2. Сараю Велпула (Ҳиндистон, 2444)

3. Нургюл Салимова (Болгария, 2426)

4. Лея Гарифуллина (Россия, 2423)

5. Дивия Дешмуҳ (Ҳиндистон, 2420)

6. Карисса Йип (АҚШ, 2399)

7. Юксин Сонг (Хитой, 2397)

8. Элине Ройберс (Нидерландия, 2388)

9. Меруерт Камалиденова (Қозоғистон, 2383)

10. Алисе Ли (АҚШ, 2380)

Ўзбек шахматчиларининг рейтингдаги ўрни:

15. Афруза Ҳамдамова (2327)

28. Умида Омонова (2257)