Ўзбекистон профессионал бокс федерациясига янги раис сайланди

Тадбирда Ўзбекистон Республикаси Спорт вазири Адкҳам Икрамов, Ўзбекистон профессионал бокс федерацияси Ижроия қўмитаси аъзолари, федерация раҳбарияти, конференция делегатлари, соҳа мутахассислари, спорт жамоатчилиги ҳамда оммавий ахборот воситалари вакиллари иштирок этди.

Конференцияни Спорт вазири Адҳам Икрамов очиб, мамлакатда профессионал боксни янада ривожлантириш, халқаро майдонда рақобатбардошликни ошириш муҳим вазифалардан эканини таъкидлади.

Тадбир давомида федерациянинг 2025–2026 йиллардаги фаолияти юзасидан ҳисобот эшитилди. Шунингдек, федерация раҳбарияти таркибига ўзгартиришлар киритиш, жумладан, федерация раисини қайта сайлаш ҳамда Ижроия қўмитаси таркибини янгилаш масалалари муҳокама қилинди ва федерация раислигига Якубов Умид Толибжонович сайланди.