Иккинчи ракеткамиз рейтингда ўзидан юқорида бораётган теннисчини енгди

Мукофот жамғармаси 115 000 АҚШ долларини ташкил қилувчи Megasaray Hotels Open турнирида вакиламиз Полина Кудерметова ҳам ўз маҳоратини намойиш этяпти. Мамлакатимизнинг учинчи ракеткаси илк даврада россиялик Алина Чараевага қарши баҳс олиб борди. 

Бир дақиқаси кам икки соат давом этган учрашувда Полина рақибасини 7/5, 6/4 ҳисобида мағлубиятга учратди. Чараева 2, Кудерметова 4 та эйс зарбасини амалга оширган. Қўшхатолар Алинада кўпроқ бўлди - 5 на 2. Бу теннисчиларнинг ўзаро ўтказган иккинчи учрашуви эди. Полина кечаги ғалабаси эвазига мувозанатни тиклади - 1:1.   

Таққослаш учун, Полина Кудерметова WTA рейтингида 147, Алина Чараева 137-ўринни эгаллаб турибди. Бугун терма жамоамиз аъзоси 1/8 финалда турнирнинг иккинчи ракеткаси, венгриялик Панна Удвардига қарши кортга чиқади. Дунёнинг 95-ракеткаси бўлиб турган Удварди илк босқичда россиялик Анастасия Гасановани икки сетда ҳам бир хил ҳисобда мағлубиятга учратди - 6/3, 6/3. Кудерметова - Удварди баҳси бизнинг вақт билан соат 12:00да бошланади.