18 апр 09:49
Янгиликлар

Теннис

Иккита матчболлдан чиқиб кетган Рибакина 1/2 финалда!

Дунёнинг иккинчи ракеткаси Елена Рибакина Германиянинг Штутгарт шаҳрида ўтказилаётган WTA 500 тоифасига кирувчи турнирнинг ярим финал иштирокчисига айланди.

Қозоғистонлик теннис маликаси 1/4 финалда WTA рейтингида 25-ўринни эгаллаб турган канадалик Лейла Фернандесни қийинчилик билан уч сет натижасига кўра мағлубиятга учратди - 6/7(5), 6/4, 7/6(6). Елена бешинчи учрашувга келиб теннисчиларнинг ўзаро баҳслари ҳисобида олдинга чиқди - 3:2.

Уч соату икки дақиқа давом этган баҳсда Рибакина 7, Фернандес 6 та эйс зарбасини амалга оширди. Қўшхатолар Еленада кўпроқ бўлди - 8 га 6. Рибакинанинг учрашув давомида иккита матчболдан чиқиб кетгани эътиборга молик ҳолат. У фаолиятида 42-маротаба WTA турнирлари 1/2 финалида ўйнайди.