Илк бор голбол бўйича Ўзбекистон чемпионати ўтказилди

Бу борада белгиланган чора-тадбирлар асосида кенг кўламли ишлар олиб борилмоқда.

Жумладан, жорий йилнинг 21-23-октябрь кунлари хира ва заиф кўрувчи ҳамда кўзи ожиз спортчилар ўртасидаги голбол бўйича илк бор Ўзбекистон чемпионати ташкил этилди. Мусобақада юртимизнинг турли ҳудудларидан ташриф буюрган 10 та жамоа ғолиблик учун баҳс олиб борди.

Қизғин ва муросасиз курашларга бой ўтган мусобақа якунида ғолиблик Тошкент шаҳри жамоасига насиб этди. Кучли учликдан эса Тошкент ҳамда Қашқадарё вилояти жамоалари жой олди.

Мусобақанинг тантанали тақдирлаш маросимида Ўзбекистон Миллий паралимпия қўмитаси ҳамда Ўзбекистон кўзи ожизлар спорти федерацияси раҳбарияти иштирок этди. Ғолиб ва совриндор бўлган жамоалар эса ташкилотчилар томонидан медал, махсус диплом ҳамда эсдалик совғалари билан тақдирланди.

Таъкидлаш керакки, ушбу мамлакат чемпионатида ўз иқтидорини намоён эта олган ҳамда кучлилар сафидан жой олган спортчилар келажакда голбол бўйича Ўзбекистон терма жамоаси таркибига киритилади ва халқаро мусобақаларда юртимиз шарафини ҳимоя қилади.