Ильяс Бекбулатов кучлилар турнири ғолиби!

Ҳозиргина якунига етган турнирда -70 кг вазн тоифасининг кучли саккиз нафар полвони Артур Таймазов ҳамда унинг ҳамкорлари томонидан ташкил этилган “Pro League” мусобақасида беллашишди.

Қувонарлиси, кучлилар турнирида иштирок этган ҳамюртимиз, амалдаги Осиё чемпиони Ильяс Бекбулатов рақибларини мағлубиятга учратиб, олтин медаль ҳамда ғолибга аталган 300 000 рубль пул мукофотига эга бўлди. Курашчимиз 1/4 финалда Европа чемпиони Имам Ганишевни 10:0, 1/2 финалда ёшлар ўртасида жаҳон чемпиони, Россия чемпионатининг бронза медали совриндори Анзор Закуевни 9:3 ҳисобида мағлубиятга учратди. 

Ҳал қилувчи финал беллашувида эса жаҳон чемпиони Давид Баевга қарши гиламга чиқиб, номдор рақибидан 6:4 ҳисобида устун келди ва “Pro League” чемпионига айланди.