Имконияти чекланган болаларга вазирлик томонидан совғалар етказилди

Жумладан, Жисмоний тарбия ва спорт вазирлиги ҳам ушбу сана муносабати билан пойтахтимиздаги 4-сонли ҳамда 66-сонли имконияти чекланган болалар мактаб-интернати тарбияланувчиларига қувонч улашди, уларга спорт инвентарлари байрам туҳфаси сифатида ҳадя қилинди.

Дастлаб, Республика олимпия захиралари коллежи директори Фаррух Мирбабаев бошчилигида машҳур спортчиларимиз Чилонзор туманидаги 66-сонли имконияти чекланган болалар мактаб-интернатига ташриф буюришди. Тўйга тўёна билан деганларидек, шу куни Ўзбекистон Республикаси Конституцияси қабул қилинганлигининг 28 йиллигини нишонлашаётган болажонларга ҳомийлар томонидан берилган спорт жиҳозлари кўнгилларни тоғдек кўтарди. 

Шундан сўнг, спортчилар билан биргаликда туманда жойлашган 4-сонли имконияти чекланган болалар мактаб-интернатига ташриф буюрилди. Бу ердаги болалар меҳмонларни ўзига хос рақс ва қўшиқлари билан кутиб олишди ва ўзларига аталган совғаларини қабул қилиб олишди.