Индиан-Уэллс "Мастерс" бош соврини Британияга кетди

Финалгача дунёнинг 14-ракеткаси бўлиб турган британиялик теннисчи бош соврин учун кечган баҳсда рейтингда ўзидан бир поғона юқорида борган даниялик Хольгер Рунени ортиқча қийинчиликсиз мағлубиятга учратди - 6/2, 6/2. 

Етмиш дақиқа давом этган баҳсда Руне 1, Дрэйпер 10 та эй зарбасини амалга оширган. Ўтган йили ушбу турнирда испаниялик Карлос Алькараз россиялик Даниил Медведевни мағлуб этиб, чемпионга айланганди. Бу йил Карлос ҳам, Даниил ҳам 1/2 финалда, мос равишда Дрэйпер ҳамда Рунега имкониятни бой беришди. 

Жек Дрэйпер муваффақиятли иштирокидан 1000 рейтинг очкоси ҳамда 1 миллион 201 минг 125 АҚШ доллари миқдорида мукофот пули ишлаб олди. Руне эса 650 очко ва 638,750 долларга эга чиқди. Фаолиятидаги учинчи ATP титулини қўлга киритган Жек илк бор "Мастерс"да чемпиони бўлди.