31 мар 08:02
Янгиликлар

Теннис

Индиан-Уэллс "Мастерс"ида зафар қучган Фритц Майами турнирини тарк этди

АҚШнинг Майами шаҳрида давом этаётган "Мастерс" турнирида навбатдаги 1/8 финал учрашуви якунланди.

Жаҳоннинг 13-ракеткаси америкалик Тэйлор Фритц турнирнинг тўртинчи даврасида АТР рейтингида 48-ўринни эгаллаб турган сербиялик Миомир Кечмановичга 6/3, 1/6, 4/6 ҳисобида мағлуб бўлди ва мусобақани тарк этди.

Учрашув 2 соату 7 дақиқа давом этди. Ўйин давомида 24 ёшли Фритц саккизта эйс зарбасини амалга ошириб, тўпни ўйинга киритишда бир марта хатога йўл қўйди ва битта брейкни қайд этди. 22 ёшли Кечманович эса олтита эйс амалга ошириб, икки марта қўшхатога йўл қўйди ва учта брейк қайд этди. Ўзаро учрашувлардаги ҳисоб қисқарди 3:1, Фритц фойдасига.

Miami Open турнирининг чорак финалида Кечманович испаниялик Карлос Алькаразга қарши кортга чиқади.