“Интер” бош мураббийи Манчини истеъфога чиқди

Бу ҳақида Sky Sport Italia нашри хабар берди. Италиялик 51 ёшли мутахассис мавсумлар оралиғида ўтказилган ўйинлардаги тўртинчи мағлубиятдан сўнг ўз лавозимини тарк этган.

Айни пайтда “Интер” раҳбарияти Амстердамнинг “Аякс” клуби собиқ бош мураббийи Франк де Бур билан музокара олиб боряпти. Хабарда айтилишича, де Бур билан 3 йиллик шартнома имзоланади.

Маълумот учун, Роберто Манчини “Интер” клубида 2 йилга яқинроқ вақт мобайнида фаолият юритди. Аниқроғи, у 2014 йилнинг 14 ноябрь куни “Интер”ни қабул қилиб олганди.