UZ

Сўнгги янгиликлар

20:46“Great Silk way-2024”. Боксчиларимиз турнирни умумжамоа ҳисобида биринчи ўринда якунлашди 0 19:50Дана Уайт Конор Макгрегорнинг камчилиги ҳақида гапирди 0 19:28Оливейра нима учун Царукян билан жангга рози бўлганини айтди 0 19:06Хавининг дисквалификацияси бўйича апелляция рад этилди 0 18:45Жаҳонгир Нажмиддиновнинг Анвар Азизли билан жанги бўйича берилган апеллация натижаси қандай бўлди? 0 18:23Новак Жокович грунт мавсумга тайёргарликни бошлади 0 18:02Оливейра Царукянга маслаҳат берди 0 17:41Хави «Барселона»да қолиши мумкин, бироқ бош мураббий сифатида эмас 0 17:18Дзюдо. Анталия "Катта Дубулға" турнирига қуръа ташланди, ҳамюртларимизнинг илк рақиблари билан танишинг 0 16:58Нигина Абдураимова Словенияда чорак финалга чиқди 0 16:37Адесанья UFC 305 турнирининг марказий жангида октагонга кўтарилиши мумкин 0 16:16Месси: "ЖЧ-2022да ғолиб бўлмаганимизда, мен терма жамоадан кетардим" 0 15:54Жасур Алижанов МPL 9 нинг санаси ва манзилини очиқлади 0 15:32Тошкентда шахмат бўйича "Георгий Агзамов хотира турнири" старт олди 0 15:11UFC россиялик аралаш яккакураш усталари ўртасидаги қизиқарли жангни эълон қилди 0

22 июл 15:45
Янгиликлар

Бокс/ММА

Интервью. Шоҳжаҳон Эргашев: "Чингизхон"дан яхши хулосалар олдим"

Теглар :  БоксЭргашев
Профессонал боксчиларимиз орасида жуда ҳам тез тилга тушган Шоҳжаҳон Эргашев август ойида ўзининг олтинчи жангини Финландияда ўтказиши режалаштирилган.


Ҳозирга қадар бешта жангнинг барчасида муддатидан аввал зафар кучган фарғоналик спортчимиз Челябинск вилоятининг Урал шаҳрида йиғинни давом эттирмоқда. Салкам бир ой давом этиши кутилаётган машғулотларда ҳамюртимиз россиялик таниқли профессонал боксчилар,ярим оғир вазн ( 79,4 кг)да WBA super, IBF ҳамда WBO чемпиони Сергей Коволёв (31=30-26 ко-0-1) ҳамда биринчи ярим ўрта вазн (63,5 кг)да икки бор чемпионлик камарига даьвогарлик килган, ҳозирда IBF йўналиши бўйича қитъалар аро чемпион Денис Шафиков (40=37-20 ко- 2-1) билан бирга тайёргарлик кўрмоқда. Ропқон бокс мактабининг профессонал йўналишдаги биринчи вакили olamsport.com сайти учун телефон орқали интервью берди.

-Режа ўзгаргани йўқ,ҳамон латвиялик Иванс Левискисга қарши жангга тайёрланяпман,-дея мулоқотга киришди Шоҳжаҳон Эргашев.-Рақибимнинг барча 45 та жанггини кўришнининг имкони бўлмаган бўлсада, сўнгги энг муҳимларини кўриб ўшанга қарши тактикаларни тайёрлаяпмиз. Ҳозирда кўпроқ жисмоний жихатга эътибор қаратганмиз. Куннинг биринчи ярмида 20-30 км кросс югурамиз. Куннинг иккинчи ярмида асосан спаринг қиляпмиз. Жанглар 8-10 раунддан бўлмоқда. Шароитлар аъло даражада.

-Кўпроқ 10 км атрофида югурилар эди. Юклама кўпайиб кетмаяптими?

- Ўрмонни ичида кросс қиляпмиз.Тоза ҳаво умуман чарчамайсиз.Аксинча роҳатланиб чопасиз. Узоқлиги ҳам сезилмаяпти. Мураббийлар бўлажак жанглардан келиб чиқиб, шундай йўл тутмоқда. Буни тўғрилигини “пара”да турганда сезяпман.


- Залда сиз билан спарринг қилувчилар кўпми?

- Бу томондан ҳеч қандай муаммо йўқ. Асосан маҳаллий спортчилар билан ишлаяпман. Очиғи улар мен билан ишлаганда борини бериб ҳаракат қилаяпти. Бундан асло хафа эмасман, аксинча хурсандман. Аслида ринг яшаш учун курашнинг энг зўр кўриниши. Тошкентдаги республика олимпия захиралари коллежидаги устозларимдан бири Мансур ака Маҳмудов:”Ҳақиқий жанг аслида машғулотда бўларди”дердилар. Шуни яна бир карра англаб, ўзига хос Лас-вегасда спортчи сифатида “ўсяпман” дея оламан.



- Шафиков вазндошингиз балки, у билан ҳам куч синашгандирсиз?

- Ҳа, Денис билан 20 июл куни саккиз раунд ишладим. Бу менга жуда катта хулоса берди.

- Шафиков Америка рингларида чемпионлик камарларига даъвогарлик қилган. Ўз вақтида ҳамюртимиз Алишер Раҳимовдан ҳам устун келган эди...

- Тўғри жуда ҳам номдор. Очиғи синов жанггимиз ҳақиқий беллашувга айланиб кетди, десам хато бўлмас. “Чингизхон” ( Дениснинг профессонал боксдаги лақаби) ҳам асли Челябинскдан бўлгани учунми залга йиғилган мухлислари кўзи олдида бошиданоқ қаттиқ ишлашга киришиб кетди. Икки раунд менда сал ракибимнинг номидан келиб чиқибми ҳаяжонга ўхшаш холат бўлганди. Кейин барчасини унутиб, маза қилиб жанг қилдим. У ҳам чапақай бўлгани учун спаринг янада шиддатли кўринишга эга бўлди. Бу синов жангги ўзимга ишончни берди. Нокамтаринлик бўлмасини агар ҳозир Шафиков билан жанг ташкил қилиб берса тайёрман унга қарши чиқишга.

- Уралда кимсизга устозлик қилаяпти?

-Коволёвнинг устози, Сергей Владимирович Новиков менга ҳам бу ерда мураббийлик қилмоқда.

-Москвадаги мураббийингизчи?

-Сайфулло Темурович Пўлатов Сергей Владимирович билан яқин экан. Ҳамкасбига ишонгани учун ҳам мени у билан ишлашга юборди.



-Сайфулло Темирович Пўлатов...асли Ўзбекистонликмасми?!

- Ҳа, асли Бухорода туғилиб ўсган. Ўз вақтида кўп карра Ўзбекистон чемпиони, Чехославакияда ўтган ҳарбийлар ўртасидаги чемпионат ва кўплаб турнирлар ғолиблигини кўлга киритган кучли боксчи бўлган. Ўзбекистондаги жуда кўп мутахассисларни яқин таниши ва уларга хурмати жуда ҳам баланд. Тақдир тоқазоси билан ҳозир Россияда яшаяпти. Асосий иши бизнес. Ўз вақтида боксчи бўлгани учун “Гран плюс” номли хусусий зал ҳам очган. Ҳаваскор боксда шогирдлари бор. Лекин профессонал боксдаги биринчи шогирди менман. Шахсан ўзи вақт топиб менга “лапа” ҳам ушлайди. Ўзи ҳам мен каби чапақай бўлгани учунми бир-биримизни машғулотда тез тушунамиз. Инсон сифатида ҳам жуда зўр одам.

-Устозлардан омадингиз келган эканда?

-(кулиб) Мен ҳам шуни ўйлаб яратганга шукур қиламан. Ропқонда Рустам акам ёшигимдан тўғри йўл кўрсатиб, катта ҳаётга олиб кирдилар. Ҳали ҳам деярли ҳар куни суҳбатлашиб турамиз. Маслахат , куч, ғайрат оламан. Юртимиздаги ўзига хос ўзгаришларни эшитаман. Бу ерда Сайфулло Темирович мени ўз фарзандидек кўради. Менимча бу ҳам мендек бир мусофир йигитга яратганнинг меҳрибончилиги бўлса керак. Шундай экан бундан унумли фойдаланиб, Ўзбекистонимизга чемпионлик камарини олиб боришим керак.

- Биз сизга ишонамиз. Шоҳжаҳон суҳбатимиз сўнггида мен ҳам сизга бир янгиликни етказиб қўяй. Ҳаваскор боксчиларимиз Рио олимпиядасига кеча ( Суҳбат 21 июл куни бўлган) кетишди. Сан паулу шаҳридаги 15 кунлик йигиндан сўнг мусобақага киришади.

- Албатта, иқлимга мослашиш муҳим. Эшитишимча ҳаммаси режа асосида кетяпти экан. Терма жамоа жуда ҳам ўсган дейишади. Улар бу сафар албатта, олтин медалга эга бўлишади. Мен бунга ишонаман.

-Омад сизга ёр бўлсин, Раҳмат!



Улуғбек Ҳакимжонов суҳбатлашди

Рейтинг:    

Фикрлар

   
23 июл 06:51:10
Marco 11
Klass Rossiya boks klubida Uzb bayrogida
< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг