Иржи Прохазка биринчи марта ота бўлди + ФОТО

Чехиялик 33 ёшли аралаш яккакураш устаси ижтимоий тармоқдаги саҳифасига чақалоқ билан тушган суратини жойлаб, қизи дунёга келганини маълум қилди.

"Худо ёрлақасин! Севгининг соф кучи - янги туғилган қизим Элеонорага ва унинг онасига, у бугун мен ҳатто мавжудлигидан шубҳаланмаган ақл бовар қилмас кучни кўрсатди.

Иккинчиси: шу ҳафта охиригача ижтимоий тармоқларда сўнгги жангим ҳақида кўрган бемаъни гапларимга изоҳ бераман, шунингдек, атрофимдаги бошқа "сиртлонлар" ва кейинги қадам ҳақида фикр билдираман.

Асосийси - жангда ҳам, ҳаётда ҳам: нимага ишонсангиз, шунга содиқ қолинг ва бунинг учун курашишга ҳамда бор нарсангизни қурбон қилишга тайёр бўлинг. Бу аниқ ҳаётимдаги чемпионлик жанги бўлди ва мен ўзимни чемпиондек ҳис қиляпман", - деб ёзди Прохазка ижтимоий тармоқдаги сурати остида.