Ирландиялик боксчи чемпионлик жангида мағлуб бўлганидан бир ҳафта ўтиб вафот этди

Жон Куни уэльслик Нейтан Хауэллсга қарши жангда ўзининг Celtic чемпионлик камарини ҳимоя қила олмади ва шундан сўнг реанимация, яъни жонлантириш бўлимига ётқизилди. У интракраниал қон кетиши туфайли операция қилинган ва бир ҳафта ўтгач вафот этган. 

У 28 ёшда эди. Куни 2023 йил ноябрь ойида 59 кг вазндаги Сеltic камарини қўлга киритган эди. Натан Хауэллс билан жанг тўққизинчи раундда тўхтатилганди.

Камарни қўлга киритгач, Куни қўлидан олган жароҳати туфайли бир йил бокс билан шуғулланмади, аммо 2024 йил октябрь ойида танзаниялик Тампела Махарусини мағлуб этиб, рингга қайтганди. Умумий ҳисобда Куни 11 ғалаба қайд этганди ва битта жангда мағлубиятга учраган эди.