Ишчи гуруҳ ўз фаолиятини Учқўрғон туманида давом эттирмоқда

Жумладан, тумандаги Болалар-ўсмирлар спорт мактабининг моддий-техника базаси, ахборот-коммуникациялари технологияларини жорий этиш ҳолати ўрганилмоқда. Бу борада айни дамдаги ҳолатни янада яхшилаш борасида вазирлик томонидан спорт ташкилотларига кўмак кўрсатилаяпти.

Маълумот учун, туманда 167 минг аҳоли истиқомат қилаётган бўлиб, уларнинг 32 мингдан зиёдроғи доимий равишда спорт билан қамраб олинган.

Учқўрғон тумани эркин кураш, гандбол, чим устида ҳоккей спорт турларига ихтисослаштирилган бўлиб, ҳудудда 1008 нафар спортчи ёшлар шуғулланаётган Болалар-ўсмирлар спорт мактаби фаолият кўрсатмоқда.

БЎСМда 10 та спорт тури бўйича 38 нафар тренерлар ёшлар билан машғулотлар олиб бормоқда. Эркин кураш бўйича БЎСМ тарбияланувчилари Осиё ва жаҳон чемпионатларида, шунингдек, халқаро мусобақаларда совриндорлар сафидан жой олишган.