28 июл 11:22
Янгиликлар

Бокс/ММА

Ислам Махачев Гэрри билан жанг ҳақида: "Ҳисобимиз 2-0, энди 3-0 бўлади"

UFC ярим ўрта вазн тоифаси (77 кг гача) чемпиони Ислам Махачев ирландиялик Иэн Гэррига қарши бўлажак жанги ҳақида яна бир бор фикр билдирди.

Кўпчилик бу қарама-қаршиликни Хабиб Нурмагомедов ва Конор Макгрегор ўртасидаги рақобатга қиёсламоқда.

"Бу шунчаки оддий рақиб, мамлакатлар ўртасида ҳеч қандай низо йўқ, лекин барибир кичик "уруш" бўлади. Ҳисобимиз ҳозирча 2-0, тез орада 3-0 бўлади", — деди Махачев MMA Fighting нашрига берган интервьюсида.

Ислам Махачев 34 ёшда. Доғистонлик спортчи жанговар самбо бўйича Россия ва жаҳон чемпиони бўлган, 2010 йилдан буён ММА қоидалари бўйича чиқиш қилади. UFC`даги дебютини 2015 йилда ўтказган. 2022 йилда ташкилотнинг енгил вазн (70 кг гача) тоифасида чемпион бўлган ва тўрт марта чемпионлик камарини ҳимоя қилган, 2025 йилда эса ярим ўрта вазн тоифасида чемпионликни қўлга киритган.