15 окт 12:47
Янгиликлар

Бокс/ММА

Ислам Махачев вазнидаги рейтинг янгиланди, унда ўзгаришлар бор!

UFC янгиланган рейтингни эълон қилинди.

Испаниялик Илия Топурия чемпион бўлиб турган енгил вазн тоифаси рейтингида ушбу камарнинг собиқ соҳиби Ислам Махачев 1-ўринни банд этган. Арман Царукян 2-поғонадан жой олган бўлса, Чарльз Оливейра бир поғона юқорилаб, кучли учликни якунлаб берди.

Аксинча, Макс Холлоуэй ва Дэн Хукер бир поғонага пастлашган. Британиялик Пэдди Пимблетт 7-поғонадан 6-ўринга кўтарилди ва кейинги жангида даъвогар мақомига эга бўлиши мумкин.

Бир неча кун олдин собиқ чемпион Чарльз Оливейра Матеуш Гамротни мағлуб этганди. Бу орқали у P4P рейтингида Топ-15`га кириб олди. Бунгача ушбу ўринда Шавкат Раҳмонов турганди.