21 мар 13:32
Янгиликлар

Футбол

Исландия термаси сардори Қатар клубига ўтди

Исландия терма жамоаси сардори Арон Гуннарссон фаолиятини Қатарда давом эттиради.

Бунгача "Кардифф" сафида ўйнаб келган футболчи "Ал Араби" билан икки йиллик шартнома имзолади. Бу ҳақда клуб расман маълум қилди. 29 ёшли футболчи 2011 йилдан бери "Кардифф"да тўп тепиб келаётганди.

Айни пайтда "Ал Араби" Қатар чемпионатида 6-ўринни эгаллаб турибди. Клуб бош мураббийи ҳам исландиялик Хеймир Холлгримсон ҳисобланади. У ўтган йилнинг декабрь ойидан бери жамоани бошқармоқда.