Исмоилов - Файзиев. Бугун “Қарши Челленжери”да ўзбек дербиси

Соврин жамғармаси 75 000 АҚШ долларини ташкил қилувчи мусобақада дунёнинг кўзга кўринган теннисчилари иштирок этишяпти. Украиналик Сергей Стаховский турнирнинг биринчи ракеткаси сифатида ҳаракат қилади.

Саралаш баҳсларида иштирок этган барча ҳамюртларимиз мағлубиятга учрашди. Асосий тўрда эса теннисчиларимиздан Санжар Файзиев, Темур Исмоилов, Фаррух Дўстов ҳамда Жўрабек Каримов имтиёзли йўлланма асосида иштирок этишади.

Эътиборлиси, бугун ўзига хос ўзбек дербисида Исмоилов ва Файзиев ўзаро учрашувда муносабатларига ойдинлик киритиб олишади. Жўрабек биринчи даврада чехиялик Марек Яловиц билан, Фаррух эса ҳиндистонлик Нараянасвамига қарши кортга чиқади.  

Эслатиб ўтамиз, ўтган йилги турнирнинг финалида сербиялик Марко Тепавац исроиллик Дуди Селани 2:6, 6:3, 7:6(4) ҳисобида мағлуб этиб, бош мукофот соҳибига айланган эди.