21 янв 14:21
Янгиликлар

Велоспорт

Испан жамоаси шарафини ҳимоя қилаётган Янина Кускова Tour El Salvador пойгасида совриндор бўлди

Велошоссе бўйича Ўзбекистон аёллар терма жамоаси аъзоси Янина Кускова нуфузли мусобақада шоҳсупага кўтарилди.

Янина анъанавий ўтказиб келинадиган 2.1 тоифадаги "Tour El Salvador" кўп кунлик халқаро мусобақасининг учинчи босқичида маррага иккинчи бўлиб етиб келди.

Испаниянинг "LABORAL KUTXA - FUNDACION EUSKADI" проконтинентал жамоаси шарафини ҳимоя қилаётган ҳамюртимиз 89,4 км масофага ўтган беллашувда 2:28:13 дақиқа натижа кўрсатди.

Қайд этиш керак, халқаро мусобақада Испания, Италия, Хитой, Швейцария, Мексика ва Бразилия каби мамлакатларнинг профессионал клубларидан 120 га яқин велопойгачилар иштирок этишмоқда.