10 мар 13:16
Янгиликлар

Велоспорт

Кускова "Вьетнам тури"да яна бир бор шоҳсупага кўтарилди

Вьетнамда бўлиб ўтаётган велошоссе бўйича "BIWASE Tour of Vietnam" мусобақасидан яна бир хушхабар.

Ўзбекистон аёллар терма жамоаси аъзоси Янина Кускова кечаги пойгада тенгсиз эканлигини исботлади.

50 км масофага критериум (гуруҳ пойгаси) дастурида Кускова ҳар бир финишни ўз фойдасига ҳал қилди. Асосий 10-айланадаги финишда ҳам Янина катта устунлик билан маррага биринчи бўлиб етиб келди.

Эслатиб ўтамиз, ҳамюртимиз 110 км масофада ўтган Women Elite пойгасида учинчи ўринни банд этган эди. Ушбу халқаро турнирдаги совринли ўринлар велопойгачиларга қимматли UCI очколарини келтиради.