Исроил Мадримовнинг вазнидаги чемпион: "Барча камарларни бирлаштиб, ўрта вазнга ўтмоқчиман"

Биринчи ўрта вазн тоифасида WBC, WBA ва IBF йўналишлари чемпиони Жермелл Чарло 17 июль куни WBO чемпиони Браян Кастаньони мағлуб этиб, мутлақ жаҳон чемпиони бўлишига ишонмоқда.

Шундан сўнг, у ўрта вазнга ўтишни ва эгизак акаси Жермол Чарло сингари ушбу вазнда жаҳон чемпионига айланишни ният қилган.

“Кастаньо нима таклиф қилса, мен тайёрман. У нима қилса ҳам мен унинг режаларини бузаман. Бу менинг ишим. Брайан Кастаньо ажойиб боксчи. У жанг қилади ва тўхтамайди. Рингга чиқиб мутлақ жаҳон чемпиони бўлиш учун жуда кўп нарса талаб этилади ва мен ушбу жангда ғалаба қозониш учун қўлимдан келган барча ишни қиламан.

17 июль куни ғалаба қозонсам, камарларни бирлаштираман ва мутлақ чемпион бўламан, бу мен учун яна бир ютуқ бўлади. Мен давом эттиришни хоҳлайман. Акамнинг вазнида яна бир чемпионлик унвонини қўлга киритмоқчиман. Биз уларни биринчи ўрта вазнда ютдик. Мен уларни ўрта вазнда ютмоқчиман. Биз ҳали тугатмадик”, - деди Жермелл Чарло.