17 авг 10:47
Янгиликлар
Бокс/ММА
Ломаченко қайтмоқда! У мағлубият нималигини билмайдиган боксчига қарши жанг қилиши мумкин
Уч вазн тоифасида собиқ жаҳон чемпиони, украиналик Василий Ломаченко (18-3, 12 КО/ТКО) профессионал боксдаги фаолиятини тиклаб, мағлубиятга учрамаган, WBO рейтингининг иккинчи енгил вазн тоифасидаги биринчи рақамли боксчиси — филиппинлик Чарли Суарес (19-0, 11 КО/ТКО)га қарши жанг ўтказиши мумкин.
Бу ҳақда BoxingScene ўз манбаларига таяниб хабар берди.
Дастлабки маълумотларга кўра, томонлар жангни ноябрь ойида ўтказиш бўйича келишиб олган. Жанг ғолиби WBO ва IBF версиялари бўйича иккинчи енгил вазн тоифасидаги жаҳон чемпиони Эмануэль Наваррете билан рингга чиқиши мумкин.
Василий Ломаченко 2025 йил июнь ойида профессионал боксдаги фаолиятини якунлаганини эълон қилган эди. Ломаченко — икки карра Олимпия чемпиони (2008, 2012), жаҳон чемпиони (2009, 2011) ҳамда Европа чемпиони (2008) ҳисобланади.
Ҳавола :
Манба : Boxing Scene
Фикрлар