31 янв 07:28
Янгиликлар

Теннис

Истомин АҚШда дунёнинг 50-ракеткасини мағлуб этди

Хабар берганимиздек, АҚШнинг Ньюпорт шаҳрида теннис бўйича "Челленжер" туркумига кирувчи турнир бўлиб ўтмоқда.

Мукофот жамғармаси 162 480 АҚШ долларини ташкил этган мусобақада ҳамюртимиз Денис Истомин ҳам муваффақиятли одимламоқда. Турнирда 15-рақам остида таснифланган Истомин мусобақадаги иккинчи ғалабасига эришди.

ATP рейтингида 170-поғонада бораётган Истомин нимчорак финал учрашувида дунёнинг 50-ракеткаси, америкалик Фрэнсис Тиафога қарши кортга чиқди ва кучли рақибини 6:3, 6:2 ҳисобида мағлубиятга учратди.