Янник Синнер Майами "Мастерс" 1/2 финалида

Дунёнинг иккинчи ракеткаси Янник Синнер ортиқча қийинчиликсиз ярим финал иштирокчисига айланди. Италиялик теннисчи 1/4 финалда ATP рейтингида 20-ўринни эгаллаб турган америкалик Фрэнсис Тиафони икки сетда ҳам бир хил ҳисобда мағлубиятга учратди - 6/2, 6/2.

Теннисчиларнинг ўзаро учрашувларида Янник катта фарқ билан олдинда бормоқда - 5:1. Олтмиш икки дақиқа давом этган баҳсда Синнер 14, Тиафо 4 та эйс зарбасини амалга оширган. Иккала теннисчи ҳам биттадан қўшхатога йўл қўйди. Брейклар бўйича мутлақ устунлик ғолиб томонда бўлди - 4 га 0. 

Энди Янник Синнер финал чиптаси учун Александр Зверевга қарши кортга чиқади. Германиялик теннисчи 1/4 финалда аргентиналик Франсиско Серундолодан устун келди - 6/1, 6/2.