Истомин Астана "Челленжер" бош соврини учун кортга чиқади

Мусобақанинг жуфтликлар баҳсида тажрибали теннисчимиз Денис Истомин ҳам муваффақиятли одимламоқда. Ҳамюртимиз Польшага қарши кечган Дэвис Кубоги доирасидаги учрашувда яккаликдаги фаолиятини якунлаганини эълон қилганди. 

Бугун Истомин россиялик Евгений Карловский билан бирга Астанадаги "Президент Кубоги" турнири бош соврини учун кортга чиқади. Истомин/Карловский тандеми 1/2 финалда турнирнинг биринчи рақамли жуфтлиги - исроиллик Даниэл Гукерман ҳамда австриялик Нейл Оберлейтнер ҳамкорлигини 4/6, 7/6(5), тай-брекда 10/7 ҳисобида таслим этди.     

Бугун Денис ва Евгений мусобақа бош соврини учун россиялик теннисчилар - Егор Агафонов ҳамда Илья Симакин жуфтлигига қарши баҳс олиб боришади. Финал учрашуви бизнинг вақт билан соат 15:00да бошланади.