18 июн 13:18
Янгиликлар
Теннис
Истомин чемпионлик ҳимоясини Жумхурга қарши баҳс билан бошлайди
Мамлакатимизнинг биринчи ракеткаси Денис Истомин Англиянинг Ноттингем шаҳрида старт олган турнирда иштирок этади.
Ҳамюртимиз ўтган йили Aegon Open Nottingham турнирида бош мукофотни қўлга киритган эди. Демак, у ўз унвонини ҳимоя қилиш учун баҳсларга киришади.
Қуръа натижасига кўра, Истомин илк даврада Босния ва Герцеговиния вакили Дамир Жумхурга қарши кортга чиқади. Агар Денис Жумхурни мағлуб эта олса, иккинчи даврада Васек Поспишил билан тўқнаш келади. Канадалик бу теннисчи турнирда 11-рақам остида таснифланган бўлиб, ўз иштирокини тўғридан-тўғри иккинчи босқичдан бошлайди.
Ноттингем турнирининг мукофот жамғармаси 704,805 минг еврони ташкил қилади. Ғолиб теннисчи 86,850 евро мукофот пули ҳамда 250 рейтинг очкосига эга бўлади. Финалчи 49,430 евро ҳамда 150 рейтинг очкосини ўз ҳисобига ёзиб қўяди. Биринчи даврада иштирок этган барча теннисчилар эса 3,620 еврога эга бўлишади.
Ҳавола :
Манба : olamsport.com
Фикрлар