17 фев 07:12
Янгиликлар

Теннис

Истомин Делрей-Бичда уч сетлик учрашув ўтказди

АҚШнинг Флорида штати Делрей-Бич шаҳрида ўтказилаётган теннис бўйича мукофот жамғармаси 673 655 АҚШ долларини ташкил этувчи мусобақанинг саралаш баҳслари якунланди.

Ушбу турнирда ҳамюртимиз Денис Истомин ҳам иштирок этди. Мамлакатимизнинг биринчи ракеткаси саралаш баҳсларининг 1/2 финалида испаниялик таниқли теннисчи Гильермо Гарсия-Лопесни 7:5, 6:2 ҳисобида мағлубиятга учратганди.

Афсуски, Истомин асосий тўрга йўлланма берувчи учрашувда америкалик Ной Рубинга имкониятни бой бериб қўйди - 4:6, 6:3, 6:7(6). Бу сафарги ўйин ҳам ёмғир ёққанлиги сабабли икки бор тўхтатилди.

Маълумот учун, Денис Истомин учрашув ўтказилаётган пайтда жаҳон рейтингида 161, Рубин Ной эса 269-ўринни эгаллаб турганди.