28 янв 09:10
Янгиликлар

Теннис

Истомин дунёнинг 58-ракеткасига қарши кортга чиқди

Шу кунларда АҚШнинг Огайо штати Коламбус шаҳрида теннис бўйича "Челленжер 80" туркумига кирувчи турнир бўлиб ўтмоқда.

Мукофот жамғармаси 53,120 АҚШ долларини ташкил этувчи "Columbus Challenger 80" мусобақасида ҳамюртимиз Денис Истомин ҳам иштирок этаётган эди.

Афсуски, мамлакатимизнинг биринчи ракеткаси 1/8 финал учрашувида турнирда биринчи рақам остида сараланган америкалик Женсон Бруксбига 5/7, 1/6 ҳисобида имкониятни бой бериб, мусобақадаги иштирокини якунлади.

Таққослаш учун, Денис Истомин айни пайтда ATP рейтингида 254, Женсон Бруксби эса 58-ўринни эгаллаб турибди.