26 янв 11:31
Янгиликлар

Теннис

Истомин Франция турниридаги иштирокини ғалаба билан бошлади

Франциянинг Кемпер шаҳрида теннис бўйича cоврин жамғармаси 88,520 еврони ташкил этувчи "Челленжер" турнири бўлиб ўтмоқда.

"Quimper Challenger 100" турнирида ҳамюртимиз Денис Истомин ҳам ўз имкониятини синовдан ўтказяпти. Мамлакатимизнинг биринчи ракеткаси илк даврада словакиялик тажрибали Лукаш Лацкога қарши кортга чиқди.

Уч сет давом этган қийин баҳсда Истомин рақибини 6/3, 6/7(2), 7/6(4) ҳисобларида мағлубиятга учратиб, 1/8 финалга йўл олди. Унинг нимчорак финалдаги рақиби бугун Денис Кудла (АҚШ) - Констан Лестьенн (Франция) баҳсидан сўнг маълум бўлади.

Таққослаш учун, 34 ёшли Денис Истомин ATP рейтингида 183, 33 ёшли Лацко 200, Кудла 116, Лестьенн эса 227-ўринни эгаллаб турибди.