Истомин Stockholm ATP 250 турнирида иродали ғалабага эришди

Хабар берганимиздек, "Stockholm ATP 250" мусобақасида ATP рейтингида 249-ўринни эгаллаб турган ҳамюртимиз Денис Истомин ҳам ўз омадини синаб кўрмоқда. Ҳозиргина мамлакатимизнинг биринчи ракеткаси саралашнинг илк учрашувини муваффақиятли якунлади.  

Саралашда олтинчи рақам остида сараланган Истомин имтиёли йўланма асосида турнирга қўйилган, рейтингнинг 511-поғонасидан жой олган швециялик Жонатан Мридхани 110 дақиқа давом этган учрашувда қийинчилик билан мағлуб этди - 2/6, 6/3, 6/4.  

Энди Денис Истомин Стокгольм турнирининг асосий тўрига чиқиш учун саралашда иккинчи рақам остида ҳаракат қилаётган словакиялик Йозеф Коваликка қарши кортга чиқади. Дунёнинг 135-ракеткаси бўлиб турган Ковалик бугун сербиялик Данило Петровичдан 7/6(2), 7/6(6) ҳисобида устун келди.