Истомин ва Файзиев Финляндия турнири чорак финалига чиқди

Турнирнинг жуфтлик баҳслари 1/8 финалида мамлакатимизнинг биринчи ракеткаси Денис Истомин зимбабвелик Жон Лок билан тандемда сербиялик Иван Сабанов ва Матей Сабановга қарши баҳс олиб борди. Учрашувда Истомин/Лок шериклиги 6/4, 4/6, 10/7 ҳисобида ғалаба қозониб, чорак финалга йўл олди.  

Грециялик Маркос Каловелонис билан жуфтлик ҳосил қилган Санжар Файзиев эса перулик Серхио Гальдос ва эквадорлик Эмелио Гомес шериклигига қарши ўйин ўтказди. Учрашувда Файзиев/Каловелонис жуфтлиги рақиблари устидан 6/2, 6/2 ҳисобида ғалаба қозонди ва чорак финалга йўл олди.