Италия клуби Аббосбек Файзуллаевга қизиқмоқда

ParmaLive'нинг хабарига кўра, итальян клуби А Серияга чиқса Ўзбекистон терма жамоасининг 20 ёшли ўйинчиси борасида таклиф бериши мумкин. "Парма" айни дамда B Серияда 33 турдан сўнг 69 очко билан етакчилик қилмоқда.

Файзуллаев ўтган йилнинг ёзидан бери ЦСКАда ўйнамоқда. У жорий мавсум "армиячилари" сафида 25 та ўйинда майдонга тушиб, 4 та гол ва 11 та ассист қайд этди. Transfermarkt уни 5 миллион еврога баҳоламоқда.