09 июн 07:22
Янгиликлар

Самбо

Ихтиёр Эшмуродов: "Осиё чемпионати учун вазифа бажарилди. Кейинги мақсад - жаҳон чемпионати!"

Ортда қолган Осиё чемпионатида -88 кг вазнли вакилимиз Ихтиёр Эшмуродов терма жамоамизга олтин медаль тақдим этди.

Ҳамюртимиз финалда эронлик Саид Сидамани устидан тезкор ғалаба қозонди. Кўплаб мухлисларнинг олқишларига сазовор бўлган баҳс қаҳрамонини қисқа суҳбатга тортдик.

"Чемпионатга бир ой давомида тайёргарлик кўрдик. Машғулотлар кўнгилдагидек бўлди. Мана бугун финалда чиройли ғалаба ва олтин медални қўлга киритдим. Бироқ тезкор ғалаба қайд этаман деб умуман кутмагандим. Мени қўллаб-қувватлаб турган барчага раҳмат айтаман.

Осиё чемпионати учун вазифа бажарилди. Кейинги мақсад - жаҳон чемпионати!", - деди Осиё чемпиони Эшмуродов.