23 авг 09:55
Янгиликлар
Спорт курашлари, Кураш
Жаҳон чемпионати. Эркин курашчиларимиз 25 августда иштирокларини бошлашади
Шу кунларда Франция пойтахти Париж шаҳрида спорт курашлари – эркин, юнон-рум ва аёллар кураши бўйича жаҳон чемпионати бўлиб ўтмоқда.
Дунёнинг юздан ортиқ давлатининг энг сара полвонлари иштирок этаётган йилнинг энг нуфузли мусобақасида Ўзбекистон терма жамоаси курашчилари ҳам ўз имкониятларини синовдан ўтказишяпти.
25 август куни эркаклар ўртасида эркин кураш баҳслари бошланади. Париж гиламларида юртимиз спорт шарафини Нодиржон Сафаров (57 кг), Ихтиёр Наврўзов (70 кг), Бекзод Абдураҳмонов (74 кг), Умиджон Исманов (86 кг), Магомед Ибрагимов (97 кг) ҳамда Давид Модзманашвили (125 кг) ҳимоя қилади.
Афсуски, 21-22 август кунлари ўтказилган юнон-рум кураши баҳсларида терма жамоамиз аъзоларидан ҳеч бири совриндорлар сафидан жой ола билмади. Жаҳон чемпионатида Ўзбекистон аёллар кураши терма жамоаси иштирок этмайди.
Ҳавола :
Манба : olamsport.com
Фикрлар