Жаҳон чемпионатининг иккинчи кунида тўртта медаль қўлга киритдик, шуларнинг иккитаси олтин

Кун якунига кўра, ўзбекистонлик самбочилар тўртта медаль қўлга киритишди. 

Эркаклар ўртасида -88 кг вазн тоифасида юртимиз шарафини ҳимоя қилган Ихтиёр Эшмуродов (-88 кг), шунингдек жанговар самбочимиз Баҳодир Бакиев (-58 кг) барча рақибларини мағлубиятга учратган ҳолда олтин медалга эга чиқишди. 

-79 кг вазн тоифасида Улуғбек Раҳмонов, шунингдек жанговар самбо йўналишида Ойбек Солиев (-64 кг) финалгача етиб бориб, терма жамоамиз ҳисобига кумуш медални қўшиб қўйишди. 

Шу тариқа, Ўзбекистон терма жамоасининг жаҳон чемпионатидаги медаллари сони 7 тага етди. Спортчиларимиз 2 та олтин, 3 та кумуш ва 2 та бронза медалларини қўлга киритишган. 

Эртага жаҳон чемпионатининг сўнгги куни доирасида яна 7 та вазн тоифасида ғолиб ва совриндорлар номи маълум бўлади.

Ўзбекистон самбо ассоциацияси матбуот хизмати