27 ноя 13:05
Янгиликлар

Кураш

Жаҳон чемпионатининг илк куни 6 курашчимизнинг бари шоҳсупага кўтарилди ФОТОГАЛЕРЕЯ

Ҳиндистоннинг Маҳарашатра штати Пуна шаҳрида миллий қадриятимизнинг бир бўлаги ҳисобланган кураш бўйича 13-жаҳон чемпионати бошланди.

Дунёнинг 70 га яқин давлати полвонлари иштирок этаётган мусобақанинг биринчи куни эркаклар -60, -66, -73 кг, аёллар эса -78, -87 ва +87 кг вазн тоифаларида жаҳон чемпионати медаллари учун гиламга чиқишди. Курашчиларимиз 6 та вазннинг барчасида ўз маҳоратларини намойишди ва уларнинг ҳаммаси якунда шоҳсупага кўтарилишди.

Пунада Ўзбекистон шарафига икки бор давлатимиз мадҳияси янгради. Абдулазиз Ҳамроев (-60 кг) ва Артём Штурбабин (-66 кг) барча рақибларини мағлубиятга учратиб, жаҳон чемпиони деган номга сазовор бўлишди. -73 кг вазндаги курашчимиз Ғолиб Сулаймонов бронза медалига эга чиқди.

Аёллар ўртасидаги -78 кг вазндаги баҳсларда юртимиз шарафини ҳимоя қилган Филура Эргашева финалда кореялик Сунаҳ Лига имкониятни бой бериб, кумуш медалга сазовор бўлди. -87 кг вазнда курашган Юлдуз Муҳаммадиева финалда эронлик Заҳра Багерига ютқазиб қўйди. +87 кг вазндаги вакиламиз Ситора Ҳусанова эса Пунадан бронза медали билан қайтадиган бўлди.

Шу тариқа, Ўзбекистон терма жамоаси жаҳон чемпионатининг биринчи кунги беллашувларидан сўнг 2 та олтин, 2 та кумуш, 2 та бронза медалига эга бўлиб турибди. Асосий рақибимиз Эрон илк кунги баҳсларда 3 та олтин медални қўлга киритди.

Биринчи куннинг барча ғолиб ва совриндорлари

Эркаклар

-60 кг вазн тоифаси

1. Абдулазиз Ҳамроев (Ўзбекистон)

2. Моҳит (Ҳиндистон)

3. Муҳаммад Ал-Фатлави (Ироқ)

-66 кг вазн тоифаси

1. Артём Штурбабин (Ўзбекистон)

2. Гассем Ноуризадеҳ (Эрон)

3. Гумар Киргизбаев (Қозоғистон)

3. Сунг Парк (Жанубий Корея)

-73 кг вазн тоифаси