Жаҳон Кубогида муваффақиятли иштирок этган самбочиларимиз тантанали кутиб олинди + ФОТО

Ушбу мусобақада ўзбекистонлик самбочилар муваффақиятли иштирок этиб, 2 та олтин, 6 та кумуш ва 1 та бронза медалини қўлга киритишди. 

Бугун тонгда ушбу мусобақада қатнашган самбочиларимиз юртимизга қайтиб келишди. Улар Ислом Каримов номидаги Тошкент халқаро аэропортида тантанали равишда кутиб олинди. Кутиб олиш маросимида Ўзбекистон Республикаси Жисмоний тарбия ва спорт вазирлиги ҳамда Ўзбекистон самбо ассоциацияси мутасаддилари, ОАВ ходимлари, спортчиларимизнинг яқинлари ва мухлислар иштирок этишди.

Ўзбекистон самбо ассоциацияси фурсатдан фойдаланиб, ушбу мусобақада иштирок этиш учун имконият яратиб берган Ўзбекистон Республикаси Жисмоний тарбия ва спорт вазирлиги, шунингдек терма жамоа либослари масаласида ўз ёрдамини аямаган Ўзбекистон ММА ассоциациясига миннатдорчилик билдиради.

Ўзбекистон самбо ассоциацияси матбуот хизмати