02 ноя 21:47
Янгиликлар
Жаҳон терма жамоаси таркибида биргина Мадияр Саидраҳимов ғалаба қозонди
"ВТБ Арена" мезбонлик қилган бокс кечасида Москванинг "Динамо" ҳамда Жаҳон бокс терма жамоалари ўзаро рингда тўқнаш келишди. Турнир 7 та олимпия вазн тоифасида ўтказилди. Жанглар 3 дақиқадан 3 раунд давом этди.
Биз учун аҳамиятлиси, жаҳон бокси юлдузлари терма жамоаси таркибида ҳамюртимиз Мадияр Саидраҳимов ҳам жанг ўтказди. -92 кг вазн тоифасидаги чарм қўлқоп устамиз мезбон боксчи Рамазан Дадаевга қарши рингга кўтарилди. Жаҳон ва Осиё чемпионати совриндори ҳисобланган Мадияр рақибини ҳакамларнинг якдил қарори билан очколар ҳисобига кўра мағлубиятга учратди.
Айнан Мадияр Саидраҳимов Жаҳон терма жамоаси таркибида ғалаба қозонган ягона боксчи бўлди. Қолган барча жуфтликларда "Динамо" жамоаси боксчилари зафар қучишди.
Барча жуфтликдаги натижалар:
51 кг: Эдмонд Худоян ҳакамлар қарорига кўра намибиялик Иммануэль Йозефни таслим этди;
57 кг: Эдуард Саввин иккинчи раундда қозоғистонлик Искандер Харсанни техник нокаутга учратди;
63,5 кг: Илья Попов ҳакамларнинг якдил қарори билан арманистонлик Нарек Оганесянни мағлуб этди;
71 кг: Игорь Свиридченков ҳакамларнинг якдил қарори билан конголик Стив Куленгулукудан устун келди;
80 кг: Егор Шапочанский биринчи раундда сингапурлик Киттипонг Цзянь Хао Хони техник нокаутга учратди;
92 кг: Рамазан Дадаев ҳамюртимиз Мадияр Саидраҳимовга очколар ҳисобида ютқазди;
+92 кг: Ярослав Дороничев ҳакамлар қарори билан камерунлик Мвого Амугуни енгди.
Фикрлар