Жаҳонгир Қорабоев: "Жамоамизнинг иштирокидан кўнглим тўлди"

Баҳслар якунлангач жанговор самбо бўйича терма жамоа бош мураббийи Жаҳонгир Қорабоев шогирдларининг иштироки ҳақидаги фикрлари билан ўртоқлашди.

“Чемпионатга тайёргарлик яхши бўлди. Ҳар бир спортчимизнинг шахсий мураббийига миннатдорчилик билдираман. 95% меҳнатни шу инсонлар қилишган, қолган 5% бизники. Бугунги финалдан 3 та олтин кутаётган эдик. Фақат битта олтин медаль бўлди, насиб қилмаган экан. Келаси сафар янада кўпроқ ҳаракат қиламиз. Жамоамизнинг иштирокидан кўнглим 90% тўлди. Яна меҳнат қиламиз, ишлаймиз. -88 кг вазндаги Соҳибжон Ҳасанбоев бироз ёшлик қилди. Эндигина 21 ёшга кирган йигит. Рақиби - россиялик спортчи тажрибали эди. Ҳасанбоевнинг тажрибаси етарли бўлмагани учун ҳисобда олдинда бораётган вақтда ютқазиб қўйди. Биз ўз устимизда ишлашда давом этамиз, ҳаракатдан тўхтамаймиз", - деди Қорабоев.

Сарвиноз Рахмонқулова ёзиб олди