19 апр 10:26
Янгиликлар

Спорт курашлари

Жалгасбай Бердимуратов Осиё чемпионати финалида!

Улан-Батор шаҳрида спорт курашлари бўйича катталар ўртасидаги Осиё чемпионатининг биринчи кунги саралаш баҳслари давом этмоқда.

Қитъа чемпионатининг юнон-рум кураши мусобақаси -87 кг вазн тоифасидаги беллашувларида иштирок этаётган Жалгасбай Бердимуратов финал йўлланмасини қўлга киритди.

Токио Олимпиадаси иштирокчиси, жаҳон чемпионатининг кумуш медали совриндори ярим финал учрашувида ҳиндистонлик Сунил Кумарни 8-0 ҳисобида енгди.

Энди қорақалпоқ ўғлони эртага ўтказиладиган финал баҳсида эронлик Насер Ғасем Ализадага қарши гиламга чиқади. Эронлик полвон ўз ўрнида 1/2 финалда қозоғистонлик Нурсултан Турсиновдан 3-0 ҳисобида устун келди.